حذف نهائي بلا رجعة
كتبت /شمس فتحى
العلاج كله في كلمة واحدة حذف
روشتة راحة بال روشتة حياة روشتة سعاده
مش حذف من الشات بس حذف من حياتك كلها.
احذف فورا
اللي معرفش قيمة حبك
اللي بيعايرك بفضله
وينسى فضلك انت عليه
احذف وانت مطمن
اللي شايف نفسه عليك
اللي شايف انك قليل
وهو كتير عليك.
اللي بيتعامل معاك من فوق
اعمل حذف نهائي
للشخص اللي كلامه كله إحباط
اللي مخليك طول الوقت شاكك في نفسك
اللي مهما عملت يطلعك انت الغلطان
احذف اللي مش مؤمن بيك
ولا بأحلامك وبيشدك لتحت
اللي عايز يفصلك على مزاجه
احذف صاحب المصلحة
اللي على طول شاكك فيك
وحاطك في موضع اتهام
اللي بيغير من نجاحك
وبيسم بدل ما يفرحلك
احذف 3000 مرة
اللي معرفش يستحملك في أزمتك
باكتئابك وعصبيتك وتوهتك وكسرتك وقرفك من غير شروط
اللي يرجع يعمل حبيب أول
ما تقف على رجلك
العتاب أول مرة بس للغاليين
تاني مرة اتغير من جواك
تالت مرة حذف بصمت
احذف أي فكرة سلبية
احذف أي ذكرى بتوجعك
احذف أي حاجة بتستنزف
روحك وتجهدك نفسيا
خلي حذفك هو سكوتك وغيابك
متردش الإساءة،رد بغيابك
ممنوع تعتذر غير على غلط
انت عملته بفعل مش رد فعل
ومتقبلش اعتذار شفوي على نفس الغلطة أكتر من مرة بعد كده الاعتذار لازم يبقى قد الوجع
اوعى تضحي بكرامتك مهما
كان السبب أو الشخص
اللي تهون عليه نفسه يهون على الدنيا كلها
احذف أي حاجة تضايقك
وخلي أهم حد عندك هو نفسك
ازاي تكون راضية وسعيدة
عامل الناس بأصلك ومتتغيرش
عشان حد.
واوعى تتكسف من طيبتك
الطيبة مش هبل بس متخليش حد يستغلك
