هي مش قليلة
كتبت/شمس فتحى
كل ست حلوة
وكل ست من حقها تحب تبقى أحلى
من حقها تشتري فستان وتفرح بيه
من حقها تدخل كوافير وتطلع مبتسمة
من حقها تهتم بشعرها وبشرتها وتفاصيلها الصغيرة
ومن حقها كل شوية
تسأل نفسها: “إزاي أبقى أحلى؟”
دي مش سطحية
دي فطرة
دي أنوثة ربنا خلقها فيها
بس تعرف؟
في ستات كتير اختارت
تسكت الصوت ده جواها
مش عشان مش محتاجين
ومش عشان مش بيحبوا اللبس
ومش عشان شايفين نفسهم
“مش مستاهلين”
لكن عشان
اختاروا البيت
اختاروا العيال
اختاروا إن المرتب يكفي
اختاروا إنك ما تشيلش هم زيادة
الست اللي مش بتطلب لبس ماركات
مش معناها إنها مش بتحب الشياكة
الست اللي مش بتروح مركز تجميل
مش معناها إنها مش فارق معاها شكلها
الست اللي بتقول “مش مهم”
هي أكتر واحدة كان نفسها
تقول “نفسي”
هي بس إتنازلت
إتنازلت عن رفاهية بسيطة
عشان راحة كبيرة للكل
هي بتدفع من دلعها
وبتدفع من وقتها
وبتدفع من نفسها
عشان البيت يفضل واقف
فبالله عليك
لو مراتك من النوع ده
ما تقولهاش: “إنتي أصلا مش بتحبي اللبس”
ما تقولهاش: “وإنتي هتعملي ايه بمراكز التجميل”
قول لها: “أنا شايفك”
قول لها: “أنا عارف إنك بتتنازلي عن حاجات بتحبيها عشاني وعشان ولادنا”
قول لها: “وعشان كده انتي تستاهلي أكتر بكتير”
حطها في عينك
افرحها بهدية بسيطة من وقت للتاني
خدها ودلعها حتى لو بمشوار صغير
حسسها إنها لسه متشافةولسه متقدرة
لأن الست اللي طلباتها قليلة
مش عشان قلبها بارد
دي عشان تضحياتها كتيرة أوي
والست اللي بتتنازل عن رفاهيتها
عشان البيت يمشي
دي مش ست عادية
دي ست بطلة
