دفء البيت وسنده
كتبت/ شمس فتحي
الرجل الخلوق لا ينحصر عيشه في ذاته بل يسخر حياته دفئاً وسنداً لأسرته وصغاره
جملة واحدة تلخص معنى الرجولة الحقيقي
الرجولة مش سيطرة ولا كلمة تمشي وخلاص
الرجولة الحقيقية هي إنك تشوف راجل ناسي نفسه عشان خاطر بيته
الرجل الخلوق ده هو اللي
عيشه مش لنفسه نجاحه في شغله مش عشان يتمنظرده عشان يوفر لقمة حلال وعيشة كريمة لولاده تعبه برة البيت مش بياخده حجة يرجع مكشر بياخده وسام على صدره إنه سند
حياته دفء هو الحضن اللي بيطمن لما يدخل البيت البيت كله يحس بالأمان ضحكته مع ولاده طبطبته على مراته كلمته الحلوة هي دي اللي بتدفي البيت أكتر من أي فلوس
وجوده سند الست ممكن تشيل كتير بس في وجود الراجل الخلوق بتحس إنها مش شايلة لوحدها بتحس إن في ضهر في جبل بتتسند عليه وقت ما تقع هو اللي واقف في وش الدنيا عشان أسرته تفضل مستورة ومرفوعة الراس
الراجل اللي من النوع ده مش بيستنى كلمة شكرا هو بيشوف شكرته في نظرة فخر في عين مراته وفي حضن صغير من عياله بيقوله “بابا حبيبي”
يا بخت البيت اللي فيه راجل خلوق
لأنه بيت عارف إن عنده راجل بجد مش مجرد ذكر في البطاقة
فاللهم ارزق بيوتنا رجالا خلوقين إذا عاشوا لم يعيشوا لأنفسهم وإذا تعبوا لم يتعبوا إلا لأجل من يحبون
