تضلى شابه في عيونك قبل عيونه
كتبت/شمس فتحى
كيف تظلين شابة صغيرة في أعين زوجك مهما كبرتي؟
الموضوع ملوش علاقة بالسن ولا بالميكب ولا باللبس فيه ستات عندها 25 سنة وجوزها شايفها ست كبيرة وعجوزة وفيه ستات عندها 45 وجوزها شايفها بنت صغيرة لسه بتجري قدامه
السر مش في شكلك السر في طاقتك
الراجل مبيشوفش السن في البطاقة الراجل بيشوف السن في طاقتك
الشابة الصغيرة خفيفة.. مش شكاية
الست اللي طول الوقت شكوى تعبت زهقت العيال، البيت انت مقصر.. دي طاقتها بتعجز 20 سنة قدام
إنما الشابة الصغيرة خفيفة بتعرف تشتكي بدلع بتعرف تطلب وهي بتضحك بتعرف تخلي مشاكلها خفيفة على القلب. الراجل بيهرب من النكد وبيجري ورا الخفة
الشابة الصغيرة عندها حياة.. مش حياتها هو
أكتر حاجة بتعجز الست في عين جوزها انها تلغي نفسها وتلف حياتها كلها حواليه. تبقى مستنياه بتراقبه فاضية ليه
الشابة الصغيرة ليها عالمها اهتماماتها صحابها شغلها، تطويرها، جمالها لنفسها. لما بيشوفك ليكي عالم، بيفضل هو نفسه عايز يدخل عالمك انتي اللي غالية، مش هو
الشابة الصغيرة بتتغير.. مش ثابتة
الروتين هو اللي بيعجزك. نفس التسريحة نفس اللبس في البيت
نفس الكلام، نفس رد الفعل
كل فترة غيري حاجة.. غيري ريحة البرفان بتاعتك غيري طريقة كلامك فاجئيه برد فعل جديد.خليه كل يوم يحس انه بيكتشف واحدة جديدة فيكي. الراجل بيعشق الست المتجددة
الشابة الصغيرة بتدلع.. مش بتسترجل
حتى لو انتي مديرة في شغلك ومسؤولة عن 100 واحد، قدام جوزك ارجعي بنت صغيرة اطلبي مساعدته بدلع احتاجيلهةحسسيه انه السند والراجل. اول ما تسترجلي قدامه
هو لا شعوريا بيشوفك راجل زيه والراجل مبيحبش راجل.
الشابة الصغيرة واثقة.. مش مهزوزة
الثقة هي اللي بتصغر 10 سنين. الست اللي واثقة في نفسها، ماشيتها مختلفة نظرتها مختلفة، حتى ضحكتها مختلفة
بطلي تقارني نفسك بغيرك، وبطلي تسأليه “هو انا تخنت؟ هو انا كبرت؟” انتي قمر في كل حالاتك
ولما هتصدقي ده هو هيصدقه
خليكي خفيفة متجددة ليكي حياتك بتدلعي وواثقة في نفسك.
ساعتها هيفضل شايفك طول العمر تلك البنت الصغيرة التي لا تكبر أبدا البنت اللي وقع في حبها أول مرة
