الانوثه اقوى
كتبت/شمس فتحى
“إن وجدت رجلاً أقوى مني سأرجع إلى أنوثتي وأتركه يقود”
جملتين حلوين أوي.. بس ناس كتير فهمتهم غلط
هل ده معناه إن الست ضعيفة الشخصية ومحتاجة راجل يقودها؟
لأ.. ده معناه إنها قوية جدا لدرجة إنها اختارت تسلم القيادة بمزاجها.
الست الضعيفة هي اللي بتدور على راجل يقودها عشان هي مش عارفة تمشي لوحدها.. بتدور على حد يسندها عشان هي واقع
إنما الست القوية اللي عرفت تعتمد على نفسها وتشتغل وتاخد قرارات وتشيل مسؤولية..
الست دي تعبت من السواقة طول الوقت
هي مش محتاجة راجل يقودها..
هي *نفسها* ترتاح وتلاقي راجل تستأمنه على الدركسيون
الفرق كبير أوي بين
واحدة محتاجة حد يقودها عشان ضعيفة..
وواحدة قررت تسيب القيادة لراجل يستاهل عشان هي قوية وتعبت.
لما الست القوية بتلاقي راجل أضعف منها..
راجل متردد مش عارف ياخد قرار مستنيها هي اللي تزق المركب..
غصب عنها بتسترجل بتتحول لراجل تاني في البيت بتفقد أنوثتها مش بمزاجها..
ده غصب عنها عشان المركب تمشي
إنما أول ما تلاقي راجل قوي بجد..
قوي مش بيزعق ويشخط..
قوي يعني حكيم قراره ثابت كلمته سيف حنين بس حازم سند بجد..
ساعتها هي لوحدها وبدون
ما حد يطلب منها بترجع أنثى
بترجع تدلع بترجع تحتاجله بترجع تسيب نفسها
مش ضعف.. ده احترام لوجود الراجل وشخصيته
هي بتحترم قوته فبتدي له مساحته يقود
الأنوثة عمرها ما كانت ضعف..
الأنوثة هي قمة القوة اللي بتختار بإرادتها لمين تسلم القيادة
الست متخلقتش عشان تسوق طول العمر.. الست اتخلقت عشان تُقاد بحب من راجل تستأمنه
فلو انتي لسه سايقة لحد دلوقتي.. اعرفي انك لسه مقابلتيش الراجل اللي أقوى منك
