اللقاء الأول
د. راشد الشاشاني
الاحاسيس اللي بتنقلها الكلمات ، وهون بنحكي عن الكلمات المكتوبة ، بتصنعها انت مش بيصنعوها اللي بيقرأو . العدو بشوف العداء والمحب بشوف الحب والمعجب بشوف الاعجاب … الخ حتى داخل هاي الفئة في توزيع لطبيعة الحب والعداء والكره والإعجاب ، ومنازل هي المشاعر ومراحلها من البداية للنهاية ، وحتى الرجعة أو محاولة التغيير أو محاولة التجديد ، هلأ هون مفهوم انو اللي بيعرفوك بياخدو الاحساس منك ،الموضوع مش هون بينتهي ، لانو هاي المشاعر بتتولد عند اللي ما بيعرفوك كمان ، ازا شو بكون التفسير ؟
هون هاي المشاعر بتكون ساحة لقاء حب الحبيب ومعركة العدو وحوار مع معجب وود العزيز وهيك … الخ . هاي المشاعر مع اللي بيعرفوك .
أما اصل العلاقة اللي ربطك فيهم سواء اللي بتعرفهم من قبل أو اللي عرفوك وعرفتهم جديد فهي موجودة قبل ولادتك انت وولادتهم ، بتعرفهم وهمه بيعرفوك قبل هيك …. هاي جزء من تفاصيل طويلة لقصة الميلاد …بس لازم تنتبه انو احساسك انو حدا بفكر فيك بنفس اللحظة اللي انت بتفكر فيه هو اكيد . ومش بس هيك هو بفكر بنفس الاحساس اللي انت بتفكر فيه ازا حب بكون قبالك هيك وازا وعيد لعدو فهو رح يوصلو هالوعيد …الخ ، وهاي بتفرق بين النوم والصحو .
كمان الانطباع اللي بتاخدو لما تشوف حدا قدامك لأول مرة أو بتسمع عنو بيندرج ضمن نفس السياق انت وهمه بتعرفو بعض من قبل وهاي اللحظة هي اللقاء الأول … ازا ؛ في فرق بين معرفة حدا وبين التواصل معو ..
