الصبر مش ضعف الصبر مقاومة
كتبت /شمس فتحى
ولقد مررتُ بـ ليالي كنت
أقول لنفسي كل ليلة
“غدًا ستنتهي هذه الفترة الصعبة”
أكررها كأنها تعويذة كأنها وعد
كأني لو صدقتها بجد هتعدي
يوم ورا يوم
وأسبوع ورا أسبوع
وأنا مستنية “بكرة” اللي
مش راضي ييجي
لحد ما اكتشفت إني تجاوزت
فترات تعب كتير
من غير ما ألحق أرتاح
ولا حتى أتنفس
يدوب أطلع من فخ ألاقي نفسي
وقعت في فخ تاني
كنت بهرب من وجع ألاقي
وجع أكبر مستنيني
كنت بقول “دي فترة وهتعدي”
فنسيت أنا كنت أقصد أي فترة فيهم بالظبط
نسيت أنا كنت بتكلم عن أى وجع
أى خذلان أى انتظاروأى خيبة
ولما بصيت ورايا لقيت حاجة واحدة بس هي اللي انتهت فعلاً
طاقتي
الطاقة اللي كنت بقاوم بيها
الطاقة اللي كنت بصبر بيها
نفسي كل يوم
الطاقة اللي كانت بتقول “قومي كملي”
بس أنا لسه هنا.
حتى لو تعبانة
حتى لو فاضية من جوايا
لسه واقفة
وربنا ما بيضيعش سعي
و”غدًا” اللي كنت بستناه
هيجي في وقته
حتى لو اتأخر
الصبر مش ضعف الصبر مقاومة
