الحب وطن نحيا فيه

الحب وطن نحيا فيه 

بقلم / دكتورة لبني يونس 

الحب هو الحياة مش مجرد كلام حلو بنسمعه في وقت الروقان ، الحب الحقيقي هو *السند* وقت ما الدنيا تميل بيك ، وكتف جنب كتفك يشيل معاك ثِقل الأيام قبل فرحها .

أجمل الارزاق في الدنيا إنك تلاقي قلب يحس بيك و بوجعك من نبرة صوتك ، ويقرأ في عينك الكلام اللي مش قادر تقولة وأنت ساكت يفهمك ، ويطبطب على روحك في الوقت اللي الكل فيه مستني منك تكون قوي .. الشخص اللي بيحبك بجد هو اللي بيشوف ضعفك و يجبر *كسرك* مش اللي يعايرك ، مش اللي بيشوف *نقصك* وينتقدك .

في ناس وجودهم في حياتنا كده تقدر تقول *جبر خاطر* من ربنا،

 لا بيعاتبوك على غيابك ولا بيلوموك على تقصيرك ، هما بس موجودين عشان يكونوا لنا *وطن* وسكن نسكن فيه و نتحامي فيه من خوفنا، ونرتاح جواه من وجعنا.

سلامٌ على من يجعلوننا نشعر بأن الحياة بخير ..

 فقط لأنهم بجانبنا ، ويرممون بـ *حنيتهم وطيبة قلوبهم * ما أفسده العالم من حولنا.

صوفية المشاعر