إن كنت غير مؤتمن
بقلم /شمس فتحي
مش كل قرب يستاهل
ومش أي إيد ينفع تمتد
أصعب حاجة في الدنيا مش إنك تحب
أصعب حاجة إنك تشيل أمانة روح حد في إيدك
الروح مش مجرد قلب بيدق
الروح هي الثقة اللي اتقالت في نص الليل
والضعف اللي اتشاف من غير حكم
والحلم اللي اتحكى وانت مغمض عينك وانت متطمن
عشان كده بقولها وبكل وضوح
لا تلمس روح أحد إن كنت غير مؤتمن
لا تقرب من حد وتطمنه وبعدين تمشي
لا توعد بالحب وانت عارف إنك مش هتكمل
لا تفتح لحد باب قلبك وانت ناوي
تقفله في أي وقت
العلاقات خصوصا في الجواز
مش تجربة دي ميثاق غليظ
اللي يدخل حياة حد لازم يكون قدها
قد السند وقد الكلمة وقد اليوم الحلو واليوم الوحش
لأن كسر الروح مش زي أي كسر
بيسيب علامة بتفضل
فلو لقيت روح ائتمنتك شيلها في عينك
واسمعها واحترمها وحافظ عليها
ولو حاسس إنك مش قد المسؤولية
من الشجاعة إنك ما تقربش من البداية
