سيروم للمساء قوي بشرة كلها شباب
بقلم/ شمس فتحى
في الوقت اللي اسعار مستحضرات التجميل بقت فيه في السما بترجع ناس كتير للطبيعة وحلول بسيطة من البيت والسر الحقيقي لجمال البشرة ونضارتها عمره ما كان في العلب الغالية كان دايماً في زيوت طبيعية اجدادنا استخدموها من سنين
النهاردة هنتكلم عن 3 زيوت كل واحد فيهم كنز لوحده:
زيت الزيتون غني بمضادات الاكسدة
فيتامين E اللي بيحارب علامات تقدم السن وبيغذي البشرة بعمق
زيت الورد معروف بقدرته الخرافية على شد البشرة وتوحيد لونها وتقليل المسام، وكمان ريحته بتدي احساس بالانتعاش والراحة النفسية
فيتامين E هو حارس البشرة الاول ضد التجاعيد والخطوط الرفيعة بيرمم خلايا الجلد وبيحبس الترطيب جواها
لما بنخلط التلاتة مع بعض بناخد سيروم ليلي قوي طبيعي 100% وامن ومش مكلف نهائي
المكونات:
– نقطة زيت زيتون بكر
– نقطة زيت الورد
– نقطة من كبسولة فيتامين E
طريقة الاستخدام:
بعد غسيل الوش وتنشيفه كويس قبل النوم اخلطي المكونات في كف ايدك واعملي مساج خفيف للبشرة بحركات لفوق. سبيه طول الليل واغسليه الصبح
هتلاحظي فرق من اول اسبوع في نعومة وترطيب البشرة ومع الاستمرار لمدة شهر ونص هتشوفي شد ملحوظ وتقليل في التجاعيد
استخدمي مرطب خفيف زي كريم الاطفال الصبح عشان تحافظي على الترطيب طول اليوم
جربي نقطة صغيرة على رقبتك الاول قبل الاستخدام
