ميزانيه شهر 6 ب ٢٥٠٠ج لأسره ٤ أفراد
هنلم بيها الدنيا بعد العيد عشان نعرف نكمل باقي الشهر
متابعة /شوزان توفيق شعاع نيوز
في ظل ارتفاع الأسعار وتزايد أعباء المعيشة، يبحث الكثير من الأسر عن طرق عملية لإدارة ميزانيتها اليومية دون ضغط أو حيرة في تحديد الوجبات
حيث تبلغ ميزانية شهر يونيو نحو 2500 جنيه لأسرة مكوّنة من 4 أفراد، وذلك بهدف تنظيم المصروف بعد فترة العيد وضبط الإنفاق حتى نهاية الشهر، بما يضمن تغطية الاحتياجات الأساسية بأفضل شكل ممكن
نبدأ أولًا بتجهيز قائمة الأساسيات من النشويات التي لا غنى عنها داخل أي بيت، والتي تساعد على تنويع الوجبات وتغطية أغلب أيام الشهر بأقل تكلفة ممكنة:
٥ك أرز × ٣٠ج = ١٥٠ج
٢ك شعريه × ٢٤ج = ٤٨ج
٣ك مكرونة × ٢٤ج = ٧٢ج
هاتي التوابل الي نقصاكي ف حدود ٣٠ج
فول تدميس ومدشوش وعدس اصفر +فشار +فانيليا ب ١٠٠ج
كده حساب بقوليات 400ج
٤ فرخات ٢ك × ١٥٠ج = ٦٠٠ج
١ ك لحمه مفرومه ٣٢٠ج
١ ك ونص سمك بلطي ١٣٠ج
٢ طبق بيض × ١٠٠ج = ٢٠٠ج
١ ك كبده مجمده ١٦٠ج
½ك كبد وقوانص ٤٥ج
كده حساب لحوم وفراخ 1455ج
٤ك طماطم × ٢٥ج = ١٠٠ج
٤ك بطاطس × ٢٠ج = ٨٠ج
٤ك بصل × ١٠ج = ٤٠ج
وهاتي الخضار الي ناقصك من السوق لو مش مفرزه مثلا بامية – ملوخية
هنقول حساب دول 300ج
هيتبقي من 2000ج حوالي 345ج هاتي لبن و علبتين جبنه
انا هكتب الغداء كا وجبه أساسية وفي اخر البوست هقولكم افكار الفطار والعشاء تنوعوا فيها براحتكم مبدأيا الفراخ هتتقسم الورك ع جزئين وكل فرخه البانيه بتاعها هيعمل أكله يوم واللحمه المفرومه ع أربع كل ربع مفروم أكله يوم، يلاااا نبدأ ونقول بسم الله
غداء اليوم الأول :
سمك أرز صياديه طماطم مخلله
غداء اليوم الثاني
مكرونه + كبد وقوانص
(النص هنعمله ع يومين ومعاهم كبد وقوانص الفراخ اللي اشتريناها)
غداء اليوم الثالث :
كبد وقوانص + جبنه + بيض مزغلل + عيش
غداء اليوم الرابع :
وراك + ملوخيه + أرز
غداء اليوم الخامس :
بانيه + محشي
غداء اليوم السادس :
كوسه باللحمه المفرومه + أرز + سلطه
غداء اليوم السابع :
مسقعة + فول + بطاطس + عيش
غداء اليوم الثامن :
صنيه بطاطس + بواقي الفراخ الاجنحة + أرز
غداء اليوم التاسع :
صينيه عجه + جبنة قديمة + عيش
غداء اليوم العاشر :
بانيه + مكرونة بالصلصه
غداء اليوم ال ١١ :
كشري مصري + سلطه
غداء اليوم ال ١٢ :
مكرونه وايت صوص + بانيه
غداء اليوم ال ١٣ :
شاورما فراخ + فته
غداء اليوم ال ١٤ :
بيتزا ببواقي الثلاجه
غداء اليوم ال ١٥ :
كشري أصفر + بيض
غداء اليوم ال ١٦ :
ساندوتشات كبده اسكندراني
غداء اليوم ال ١٧ :
مكرونة بشاميل + بطاطس شيبسي
غداء اليوم ال ١٨ :
حواووشي + بطاطس محمره
غداء اليوم ال ١٩ :
وراك + خضار + أرز
غداء اليوم ال ٢٠ :
دبابيس كنتاكي + أرز اصفر + سلطه
غداء اليوم ال ٢١ :
خضار + وراك + أرز
غداء اليوم ال ٢٢ واليوم ال ٢٣ :
ربع مفروم يتعمل كفته رز طبيخ ع يومين وممكن نضاعف الكمية ب مكعبات بطاطس + أرز
بالنسبة ل بند الفطار والعشاء :
– هندمس الفول في البيت هيعمل معاكي كمية حلوة ويتكيس ويتشال في الفريزر نطلع كيس نفطر بيه او للعشاء ويمشي كمان معاكي للغداء مشي الدنيا
– اعملي كيكه وتتشال في علبه برضو وطريقتها موجودة عندي ع الصفحة
– البيض يتعمل شكشوكه او اومليت بالخضار او مسلوق ومهروس ومعاه حته جبنه
– الجبنه هنفتحها وتتحط في علبه ناخد منها بمعلقه نضيفه ومعاها طمطماية /خيار / جزر/فلفل وحبه زيت زيتون او زيت ذره عادي بتبقي خطيرة
– البطاطس قطعي كام واحده وحطيها ف علبه فيها ميه وشيلي ف الثلاجه يدوب تطلعي وتحمري ع طول
كده عندك للفطار فول – بطاطس – بيض – كيكه – جبنه
عايزة تعملي رز بلبن هيمشي معاكي الدنيا برضو وسناكس الكيك و الفشار كل الأطفال بتحبه
الفاكهة غالية عايزة تجيبي كيلو او ٢ لولادك عشان الأسعار مبالغ فيها اعملي كده وكل واحد ومقدرته وربنا يرزق الجميع بس كده يارب اكون قدرت أفيدكم
عدد المشاهدات: 9