( أجمل منك أيه يا سلام ) من ديوان انا الدموع لخالد الجمال
تهنا في الدنيا
وضعنا فيها
ازاي هنعيشها
ازاي نلاقيها
كل النبض خدوه من قلبي
كلمة حب نسيت معانيها
ماضي حاضر مستقبلنا
روحت فين منا يا أملنا
فين إحساس الناس بالحب
ليه الحب تاه من حالنا
نفسي الحب يملا حياتنا
وكل الناس تعيش في سلام
أجمل منك أيه يا سلام
لما تهل وتملا حياتنا
أمان في أمان
أجمل منك أيه يا سلام
الكاتب والأديب خالد الجمال
