وهل للحضن صوت؟
كتبت / شمس فتحي
نعم للحضن صوت
ليس صوتا يخرج من الحلق
ولا كلمة تسمعها الأذن
هو صوت يشعر به القلب
أحيانا الحضن يقول
أنا هنا ما تخافش”
“شايفك وحاسس بيك”
“تعبك واصلني حتى لو ساكت”
وهناك حضن يأتيك في عز إنكسارك
يوم تكون الدنيا كلها ضدك
فيحضنك فيلمك من جديد
ويرجعلك قطعة من قوتك اللي ضاعت
وهناك حضن يأتي بعد يوم طويل
شايل فيه فوق طاقتك
فيسحب من على كتافك كل الحمل
ويهمسلك بدون كلام
“كله هيعدي وكله هيبقى بخير”
وهناك حضن أم
صوته أمان
دفاه وطن
وريحته بيت
وهناك حضن صديق
يقولك “أنا فاهمك”
حتى لو ما حكيتش
وهناك حضن اتأخر
جالك بعد ما عديت الوجع لوحدك
بعد ما إتعلمت تطبطب على نفسك
بعد ما نشفت دموعك وبقيت قوي
فيوصلك فتفتكر كل اللي فات
فتبكي
مش عشان لسه موجوع
ولكن عشان أخيرا حد حس
لذلك
ليس كل حضن مجرد عناق
بعض الأحضان أمان
بعض الأحضان دواء
بعض الأحضان طمأنينة
بعض الأحضان غفران
وبعض الأحضان رسالة حب
لا تحتاج إلى حرف واحد
فإن وجدت حضنا كهذا
تمسك به
لأن في زمن الكلام الكتير
قليل هم من يجيدون لغة الحضن
