صيف ب طاقة مع مشروب مميز وصحي 

صيف ب طاقة مع مشروب مميز وصحي 

كتبت/ شمس فتحي 

في عز الحر والشغل والجري جسمنا بيحتاج حاجة تدينا طاقة وتفوقنا من غير ما تتقلنا أو تزود وزننا

ممكن تستغربي وتقولي مشروب سخن في الصيف؟! 

ايوه طبعاً… في مشروبات سخنة بتدي باور وبتظبط الحرق وبتروق على الجسم حتى واحنا عرقانين

فوائده:

بيزود معدل الحرق في جسمك ويساعد في التخسيس

بيحسن الدورة الدموية وبيديكي نشاط وطاقة

بيقوي المناعة لإحتوائه على فيتامين سي

بيهدي الحلق وبيخفف الكحة لو في تكييف

مليان مضادات أكسدة بتحارب الجذور الحرة

مسكن طبيعي لالتهابات الجسم

هو المشروب الشهير الهوت سيدر

الهوت سيدر

مشروب سخن بيتصنع من التفاح المحلى بالسكر والتوابل وطعمه مميز جداً

المكونات:

 تفاح أو عصير التفاح

 سكر “كل ما كان قليل أفضل”

 قرفة

 ماء

قرنفل “حسب الرغبة”

الطريقة:

  ضعي التفاح أو عصير التفاح والسكر والقرفة في قدر مع الماء

 اغلي المزيج ثم خففي الحرارة واتركيه يغلي لمدة 20 دقيقة

صفي المشروب وقدميه ساخناً

  يمكن تقديمه مع البسكويت أو الكعك للحصول على تجربة ممتعة

الهوت سيدر مشروب ممتع ومفيد وبيديكي طاقة في أي وقت حتى في الصيف