جسمها هيقول “كفاية” بطريقته
كتبت/ شمس فتحى
محدش بيتولد عصبي الضغط
هو اللي بيخلق العصبية
لما تفضل هي الأم والمديرة والطباخة والمدرسة واللي شايلة هم الفلوس واللي سهرانة خايفة على عيالها ومش لاقية حضن واحد تطمن فيه
جسمها هيقول “كفاية” بطريقته
هتلاقيها دايخة وتعبانة طول الوقت حتى لو معملتش حاجة
بتنام وتصحى مرهقة كأنها منامتش
بتتنرفز من الهوا ودموعها قريبة من أقل كلمة
قلبها مقبوض ومش عارفة تاخد نفسها حتى والدنيا حواليها هادية
دي مش قلة أصل ولا طبع وحش
ولا دلع
دي واحدة اتحملت فوق طاقتها بكتير لحد ما طاقتها خلصت
هي في الوقت ده مش محتاجة كلمة اهدي ولا انتي مكبرة الموضوع
هي محتاجة راحة بجد
محتاجة تحس إن الحمل متقسم
مش متساب كله على كتافها
محتاجة كلمة “أنا حاسس بيكي”
تسلم إيدك أنا جنبك” تطبطب على قلبها
وأحيانا بتحتاج حد متخصص يسمعها ويساعدها وده مش عيب أبدًا
متطلبش منها تفضل تضحك ومبسوطة وهي شايلة البيت والدنيا
اديها الأول سبب يخليها تعرف تضحك وهتشوفها رجعت زي الأول وأحسن
