إنتِ تستاهلي تفضلي منورة
كتبت / شمس فتحى
ولا حاجة في الدنيا دي كلها تستاهل
إنها تسرق منك فرحتك أو توجع قلبك
وجودك مش عادي وجودك هو اللي بيخلي الحياة ليها طعم ولون
بطولتك مش بس إنك ساكتة وبتستحملي
بطولتك الحقيقية إنك كل ما تقعي بتقومي
بتهزي التراب من على كتفك
وترجعي تبدأي تاني وعينك فيها أمل وحب
إنتِ حلوة شديدة وهتعدي
أي صعب كأنه محصلش
حطي نفسك رقم واحد
إنك تهتمي بصحتك وجسمك
وراحة بالك ده مش دلع
ده الأساس اللي هيسندك
ويسند كل اللي حواليكي
لما إنتِ تشحني نفسك
هتقدري تنوري لغيرك
الحزن له آخر
لو الايام تقيلة عليكي وحاسة
إن محدش شايف مجهودك
إفتكرى إن ربنا شايف ومطلع
مفيش حال بيفضل على حاله
وربنا عمره ما بينسى والعوض
بتاعه بيبهر
كل خطوة محسوبة
إوعي تقللي من نفسك عشان
الانجاز صغير
اللي هتبني الجبل بكرة
أنا فخورة بيكي في عزك وفي تعبك
كل خط تعب في وشك حكاية إنتصار
وكل نقطة دمعة نزلت في لحظة وجع
هي اللي هتطلعك أقوى وأثبت بعدين
إرفعي راسك وخدي نفس
وصدقي إن نورك مش هيطفي
طول ما إيمانك بنفسك وبعقلك
وقلبك الطيب لسه موجود
