حكاية الجمال 

 حكاية الجمال 

د . راشد الشاشاني ….الاردن

مش عيونك اللي بتقرا الكلمات * روحك بتشوفها بقلبي

عيونك خلقت تقهر الحاسدين *

وبس تطلّع فيّي وحدي

 كتير انا بغار وصعب علي * رموشك تبعد من حدّي

جمالك حكاية كتير بيحكوها *

واللي إجو يحكوها مش قدّي

بعرف حواليكي كتار بيتمنو 

الرضا * بس أنا الغالب بالتحدّي

غمزتك حلم أعظم الفرسان *

بس أنا بتيجي لعندي 

بس يرتفع حاجبك ؛ بتوقع جبال *

وإلي هوّيّ ؛ حضن لقلبي

بسمتك خنجر بصدور الشباب * والكبار ، بيتمنو العمر بخدّي

بتعرفي إنتي لما بشوفك ، و بيعرفو الكل * إنو خدّي بيقلب وردي

بِرجع طفل ، أو ما بعرف ، يمكن شب * امممممممم ويمكن كبير ؛ هيك أمرتي

عطرك من أرضك معي * ونسماتك بس إلي ، هيك وعدتي

صورتك واقفة قدّام الريح * و قدام السكون ، ما بتمشي

حارسة بتضلّا عطول قلبي * هاي الصورة ، بس الروح ساكنة لحظي ” نظراتي”

ما حكيت عن صورتي لأنو *

بس داب القلب ؛ عملت تخفّي

وصارت تراقب روحك ، يمكن غيرة * لأ ، يمكن قالت دوري أنا ، بكفّي

روحك كارين ، إلو وحدو * وإنتي هُوّي ، مش حدا تاني ، ولو نولدتي

بالغزل ؛ متل المها بقولو * وبتعجز عن وصفك عطور الماوردي 

خصرك لحن مشهور * اكتر من جمال بنت الأفندي 

قوامك سحر بيشبه غصن * بتحملو وردات ؛ هنّة دفا لهفتي

بالشبه في أربعين بقولو * انتي وحدة ، ورموشك بكمّلو عدّي

ما بعرف لوين رايح ، اللي بعرفو * كل ما مشيت بطريق ، لعندك بودّي

كل الصبايا ، صبايا مش متلك * انتي شي بيجمع خيالي و جدٌي

من فوق الكل ؛ بيمرق العمر * وقدّامك ، حتى بيخجل يعدّي

بالصبح ، كرمالك بتفتّح الواردات * وبتنام المسا ؛ وعلى عيونك بتهدّي

بتشوف الوردات نظراتك وبتسمع * صوت بناديها : قدام هالحلى ؛ اسودّي

مشيتك متل جناح الفراشات * بتفرش صور ، و بتسافر مع حبّي

كل القصص إلها نهايات * وكل ما بدت قصتنا ؛ بترجع لأول صورة ، فيها لقتني

كانت قبل ، وصارت هلأ * ولقدّام رح تصير ؛ أنا وإنتي 

حكايتنا حلوة ما بتكبر *

مهما مشيت الإيّام ، بتضلّا لقدّي

لما قالتلي قول فيي حقّ * 

قلتلّا ما بقدر ، هيك كان ردًي

بس فيّي ارسم قلب * بيوسع دنيي ومتلو كمان وردي ” وردة”

بس صعب ارسمك انتي * 

ومتلي رسامين الفن الغربي

فوق الوصف سحرك *

كتار هنّة ، خصال حسنك لا تعدّي

شايفك قلبي ؛ سما وارض ،

شمس وقمر * روح وخيال

 وصور وآخر شي مرررر ….

ملاحظة : يمنع النقل دون الإشارة الى المصدر