ما في شي اسمو أضغاث احلام … انتبهو منيح

د . راشد الشاشاني …الاردن 

تأويل – رؤى 1

لما تشوف بالمنام مكان كنت فيه زمان ، هالمكان كان زمان حلو ومحبوب الك كتير يمكن يكون مكان سعادتك او رزقك ، وقتها كان في مين يحاول يبعدك عنو او يخسرك اياه وصار هيك فعلا ، انت خسرت المكان واللي بعدك عنو وصل لهدفو ، وضليت انت تحمل الم هاي الخسارة طول سنين ، بالمنام اللي بنحكي عنو شفت انت المكان نفسو قديم ومهجور ومش متل زمان ، ويمكن بخوف كمان ، ولو ما شفت الشخص او

الاشخاص اللي كانو سبب خسارتك للمكان والمكاسب اللي كنت تكسبها منو ، هون بس انت فقت من النوم تزكرت ان كنت مبارح او قبل بشوي كنت تحكي عن هالحالة وعن الشخص اللي كان سبب فيها ، هيك لازم تعرف انو الشخص اللي سعى لياخد مكانك وصل للحالة اللي قلنا عنها قديمة او مهجورة او بتخوف عن المكان واكيد هو ما وصلها بلحظة او بيوم ، لأ هو انغمس فيها حتى من قبل ما يزيحك عن المكان ” هاي احقادو طبعا ” وبعد ما زاحك عنو تورط اكتر ” بسوء تدبيرو ” والأهم من هيك انو هاي الحالة ومعها المكان طبعا اللي انت كنت مفكرهم فرصة العمر او جنة ابدية او راحة او امان او ..

الخ هي بالحقيقة ما كانت هيك كان المفروض انت توصل للمكان اللي شفتو بالمنام بس من افضال وجود حاقد حواليك انو ” غبي وحمار ” لدرجة انو كان هو السبب الرئيسي بانك تهرب من مصير سيء متل هيك والاهم انو رح تروح لمكانك الطبيعي اللي هو اصلا الك وانت ما كنت ماشي طريقو ، تزكر فورا انو انت هلأ بين ايديك الفرصة الحقيقة اللي رح تقهر اعداءك ، ازا مش منتبه الها ، وقف وانتبه ، وهون اعداءك ما بيقدرو يوصلو الك ، انتبه انو الحاقد والخبيث ما بكون الا غبي ما بكون ذكي ابدا ، الذكاء قرين البراءة ..