سموا الأشياء بمسمياتها الصحيحة
دي خيانة مش صداقة
بقلم الكاتبة / دكتورة لبني يونس
الفرق بين الصداقة والخيانة :-
_ لما ست متجوزه تتكلم مع راجل متجوز من الساعه اتنين بعد منتصف الليل للفجر وبعد كده تقوله بعد اذنك هاقوم اصلي الفجر احب اقول لحضرنك وحضرته ان ربنا مش بيضحك عليه حاشي لله ( دي خيانه) انتي ست خاينة وهو راجل خاين ،
_ لما ست متجوزه تقابل زميلها او صديقها في العمل او احد اقاربها واللي مش من محارمها وتاخده بالاحضان والقبولات بحجة انه واحشها، وزوجها نايم في البيت واثق فيها و في تصرفتها وسمح لها بالخروج للعمل او لقضاء الحاجات احب اقول لحضرتك وحضرته لو هو متجوز خيانة وان حضرتك ست خاينة مش تحضر ولا انفتاح ولا ده شئ عادي و نظام الاوبن مايند ده مش من الاسلام .
_ الست المتجوزه وبتكلم راجل متجوز و تفتح معاه شات وتشتكي له من صعوبة الحياة ومشاكلها الخاصة ببيتها وبين جوزها وان علاقتها مع جوزها يا حرام ازاي صعبه والدنيا ازاي جايه عليها ومشاكلها مع اصحابها واهلها و. و. و.
احب اقول لحضرتك دي مش فضفضة ولا مجرد دردشة لاء
كده انتي ست خاينة، خاينة للعشرة ومش بتصوني الامانة.
_ الست المتجوزه وتروح لراجل متجوز بيته في غياب زوجته او حتي راجل عازب بيته كده انتي ست خاينه انتي مش رايحه له يحفظك القران ما اجتمع رجل وامراه الا وثالثهما الشيطان
انتي كده مش رايحه نزهه انتي خاينة…..
( والراجل اللي معتقد في كل ماسبق او احداث ومواقف مشابهه الست اللي زي دي لا تؤتمن و غير مؤدبة ولا بنت اصول ولا اتعلمت أ. ب. دين
ولا تفتح بيوت) .
وزي ما في راجل بيتسلي بعلاقاته مع الستات والبنات ،
في ستات بتتسلي مع الرجاله و بالاخص الراجل المتجوز وقمة انتصاراتها خراب البيوت
*حفظنا الله واياكم من الفتن*
